صالات ونوادي افرا

Publié le par Abassi Nejia

WELCOME

 

بسم الله الرحمن الرحيم


اسعار قاعات الافراح وتعديلاتها وفقا لعام 2008
اولا الفنادق:

 
1-مينا هاوس
فندق حلو جداا واستيل القاعات فيه زي القصور وديكورها عجبني اوي
حجز القاعه شامل البوفيه والكوشه والديكور 30 الف جنيه ولازم تحجزي قبلها بمده كبيره وتدفع مقدم حوالي 10 في الميه من التكلفه كتأمين وترجع تاني تأكد الحجز قبل المعاد بشهر علي الاقل


2-ميرديان الهرم
بعد ميدان الرمايه مباشره فندق كويس واسعاره معقوله شويه بصراحه معرفتش اجيب السعر بالظبط بمعني اوضح مرضيوش يقولولي بس تقريبا 28 الف شامل مستلزمات الفرح


3-سياج الهرم
بعض الناس بيشكروا فيه بس انا معجبتنيش قاعات الافراح بصراحه ومهتمتش اسأل اوي


4-كتراكت بيراميدز سقاره ريزورت
يحتوي علي قاعه واحده وهو فندق خمس نجوم
تكلفه الفرح معتمده علي طبيعه البوفيه
*15الف والفرد الزياده ب90 ج
*22 الف والفرد الزياده ب 100ج
*29الف والفرد الزياده ب110ج
ودا شامل الكوشه والدي جي وكان زمان يدو ليله هديه للعرسان بس دلوقتي معتقدتش


5-موفينبيك المطار
فندق 5 نجوم وسعر الفرد شامل البوفيه والتورته والزفه والدي جي والقاعه بمستلزامتها يرتبط بالايام
*بوفيه الف ليله وليله ايام الخميس والجمعة والسبت 15الف جنيه
الفرد الاضافي ب 105 جنيه

* بوفيه شهرزاد ايام الاحد والاثنين والثلاثاء والاربعاء 15الف جنيه
الفرد الاضافي ب 90 جنيه


6-موفينبيك الهرم
فندق حلو جدا والتكلفه الكليه حوالي 27 الف ج شامل جميع المستلزمات عدا البوفيه لانه كل مامستواه زاد زادت معاه التكلفه


*وفيه فنادق كتير تانيه ممكن تسألو فيها
-سميراميس انتركونتنتال
-شيراتون هليوبلس
-سوفتيل
-البارون
-جي دبليو ماريوت ودا رووووووعه
و جنااااااااان بس غالي اقل فرح تكلفته 39الف ج
-كتاركت الهرم
-كونكورد السلام
-شيراتون الجزيره
-جراند حياه
-هيلتون رمسيس


-فور سيزونز ودا خياااااااالي وهمي انا هقلكم سعر الليله فيه وعليكم ان تتخيلو سعر الفرح بنفسكم
سعر الليله شامله فطار وعشاء 1800 ج للفرد
بس للامانه انا دخلت فور سيزونز الاسكندريه في سان ستيفانو عل الكورنيش وعجبني جدااااااا فاكيد اللي في القاهره تحفه بردو
**
(قريب اوي جميع عناوين وارقام تليفونات الفنادق في القاهره)

ثانيا:النوادي

هي ارخص من الفنادق بس معظم القاعات صيفيه يعني صعب اوي في الشتا
والله انا سألت في نوادي كتير رياضيه عشان في ناس بعتت تسألني عليها زي النادي الاهلي والجزيره وخلافه بس لاقيت انه من الصعب عمل افراح فيها لانهم مش بيوفقو باعتبارهم نادي رياضي في المقام الاول
جميع النقابات بها قاعات افراح بس متنسوش ان معظمها صيفيه
في قاعه حلوه اوي في المعادي عل الكورنيش بجوار سي هورس واللي عرفته عنها ان اسعارها مناسبه جدا تتراوح من 10 الي 13 الف جنيه بس مش سهل ابدا تلاقي فيها حجز واعذروني انا مش فاكره اسم القاعه بس عامه هي جنب سي هورس علي طول في المعادي


ثالثا دور الجيش:


1-دار الحرب الالكترونيه

1- قاعة اللوتس من 70 - 100 فرد
2- قاعة كليوباترا من 120 - 230 فرد
3- قاعة عايده من 150 - 220 فرد
القاعات معقوله ويبدا السعر من 15الف وانت طالع


2- دار المركبات

1- قاعة نفرتيتي من 150 - 225 فرد
2- قاعة الف ليله من 150 - 300 فرد
3- حمام السباحه من 400 - 700 فرد
4- قاعة اللؤلؤه من 100 - 150 فرد
5- قاعة نفرتاري من 100 - 175 فرد
6- قاعة العروسة من 50 - 100 فرد
7- الحديقة من 80 - 250 فرد
8- حمام السباحة الصغير من 40 - 80 فرد
دار جيده بها كوافير وتصوير وتأجير فساتين واعتقد دا في كل الدور
السعر يبدأمن 13الف ج

 
3- دار ضباط الاشاره

1- قاعة نفرتيتي من 100 - 130 فرد
2- قاعة الفيروز من 200 - 300 فرد
3- قاعة الطاووس من 100 - 150 فرد
4- قاعة الجوهرة من 150 - 200 فرد
5- حمام السباحة من 60 - 80 فرد
تبدأ من 13 الف ج وهي من الدور الرخيصه


4- دار الامداد والتموين

1- قاعة الفردوس من 150 - 300 فرد
2- قاعة التوت من 100 - 180 فرد
3- تراس الصفا من 100 - 180 فرد
4- مسرح الحمام من 80 - 100 فرد
5- حمام السباحة من 250 - 500 فرد
تبدأمن 10الاف وعلي الفكره دا متوسط معظم الاسعار في الدور بس دا اقل حاجه يا جماعه لان ممكن بردو التكلفه
النهائيه تزيد

 
5-دار الحرس الجمهوري

1- القاعة الكبيرة من 300 - 700 فرد

2- القصر الصغير من 100 - 200 فرد
الفرح فيها يبدأ من 20 الف ج
وعلي فكره هي من احسن الدور واشيكهم واغلاهم


6- دار القوات الجويه
1- قاعة ليلتي
تبدأ من 200 فرد
2- قاعة لارين
تبدأ من 100-200 فرد
الدار كويسه والقاعات معقوله واسعارها مناسبه زي الامداد والتموين


7- دار المدرعات
1- قاعة الاندلس من 150 - 450 فرد
2- قاعة الفردوس من 80-150فرد
3- مسرح وحمام السباحه من 100 - 600 فرد
يبدأ السعر من 10 الاف جنيه
وهي اقل في الامكانيات بس مناسبه


8-دار المدفعيه

1- قاعة النيل تبدأ من 150 فرد تبدأ من 18 الف ج
2- قاعة حورس تبدأ من 200 فرد تبدأ من 20 الف ج
اسعارها عاليه شويه عن بقيه الدور بس فيها شوهات جامده جدا سمعت عنها زي شو التورته بيطلع من الكوشه والعرسان قاعدين وبتبقي علي شكل نص دايره وغيره كتير وهي قريبه من دار الذخيره في الافتكاسات


9-دار الاسلحة والذخيره

1- قاعة قصر الشوق 200 - 500 فرد
2- قاعة كريستال 200 - 500 فرد
3- قاعة فرحه 100 - 200 فرد
وهميه وبيعملو شوهات حكايه مش هتكلم عنها الافضل تروحو وتشوفوها بنفسكو لانهم بيعرضو علي العرسان كتالوج فيه كل الحركات اللي ممكن يعملوهالك في فرحك
جامده اوي وغاليه اوي
تبدا من 24 الف ج


10- دار الهيئه الهندسيه
1-برديس من 50 - 60 فرد
2- الجريل من 100 - 200 فرد
3- الخضراء من 100 - 200 فرد
4- عايده من 100 - 200 فرد
5- السلاملك ودي قاعه حكااااااايه وشيك وفيها حاجات خرافه وهي اكبرهم واغلاهم
تبدأ الاسعار من 18 الف والسلاملك ليها وضع خاااص

 

 
11-دار المشاه

1- اللؤلؤه من 40 - 80 فرد
2- الفيروز من 100 - 180 فرد
3- الجوهرة من 200 - 400 فرد
4- الماسيه من 400 - 700 فرد
من الدور الرخيصه تبدا من 11 الف ج


12-دار الدفاع الجوي

1- الجلاديوس من 50 - 100 فرد
2- الباسنت من 120 - 200 فرد
3- الكامليا من 200 - 500 فرد
4- البانسيه من 200 - 400 فرد معقوله بس صغيره شويه
5- الاوركيد من 400 - 700 فرد ودي حلو اوي واغلاهم
اخر مره سألت كان من زمان وكانت الاسعار تبدا من 10 الاف ج بس دلوقتي الله اعلم

*كل اسعار الدور تشمل جميع مشتلزمات الافراح
وكل الاسعار دي في **2008
وفي مقال قريته في اخبار اليوم بيحذر الناس من حجز الافراح في يوم 8-8-2008 عشان تقريبا كله عايز اليوم دا بالذات فابعدوا عنه قدر الامكان

ملحوظه: جميع الاسعار تقريبيه وقابله للزياده او النقصان



Publié dans Divers

Commenter cet article