الخس خسه ؟!!!
|
كان من أهم اهداف ثورة 23 يوليو هى تحرر الاقتصاد المصرى وأنه يأخذ أستقلاله زى البلد تمام ده لأن الدولة إلى لا تملك اقتصادها لا تملك سيادتها وظهر ساعتها القطاع العام وكان واحد من أهم إنجازات الثورة وإلى كان حقق بوجوده حلم من أحلام الشعب المصرى لسيادته على أرضه وممتلكاته لكن والظاهر كده والله أعلم أن الحكومة دلوقتى لها رأى تانى مختلف تماما وأنها شايفه أن القطاع العام ده مالوش لازمه أو انه حمل ثقيل عليها جدا فقررت أنها تتنازل عنه ووجدت فى نظريه الخس خسه أسف قصدى الخصخصة فرصتها الذهبية مع أنها فى الاساس لا تملكه فالمفروض أنه القطاع العام ده ملك للشعب وليس للحكومة وكل دور الحكومة هو الإشراف عليه فقط وليس لها الحق فى بيعه أو التصرف فيه... ده المفروض ويمكن أنا بحلم أنه كان المفروض أنه يكون فى استفتاء عام للشعب إلى هو بيملك فى الأساس على بيع ممتلكاته يعنى المعروف أن فى أى دوله فيها حكومة محترمه بتعمل كده يمكن لدرجه أنهم بيعملوا استفتاء على بناء أبراج تقويه شبكة المحمول والظاهر أن حكومتنا الفاضلة شايف أن ده عبارة عن دلع ماسخ مالوش لازمه للشعب وأن الشعب كده ممكن يتمرء عليها ورأيها تقريبا وأن الحكومات دى حكومات فاشلة جايبه لنفسها وجع الدماغ أل يستفتوا الشعب أل !! كأن الشعب ده عبارة عن مجموعة أطفال لسه مبلغوش سن الرشد الكارثة أن نظام الخصخصة فى مصر نظام فاشل لدرجه أن مصر تحتل المرتبة الثانية بعد روسيا فى أسوء برامج الخصخصة شركات ومصانع بتتباع بسعر التراب وأقل من ثمنها بكتير يكفى هنا مثال واحد مثلا أن شركة المراجل البخارية قدرت بمبلغ يتراوح بين16 و24 مليون دولار لكنها بيعت لشركة أمريكية كندية بمبلغ17 مليونا. وبعد ذلك قامت الشركة ببيع قطعة أرض واحدة من ممتلكاتها بمبلغ31 مليون دولار فى أكتر من كده مهزلة ؟؟؟ ودلوقتى حكومتنا الفاضلة عاوزه تبيع أو تخس خس بنك القاهرة رغم اعتراض يمكن معظم فئات الشعب على البيع ده لكن الحكومة كالعادة ركبه دماغها ويتباع يعنى هيتباع ورغم أن العقلاء نصحوا بحل وسط فى الموضوع أنه البنك أو جزء منه ينزل فى الاكتتاب العام لمصريين علشان يصبح راس المال مصرى لكن حكومتنا الفاضلة قالت أنه ده أجراء غير قانونى كأنها عاوزه بل بتطالب بيبعه لمستثمر أجنبى أن مش ضد تشجيع الاستثمار لكن ضد بيع البلاد للأجانب باسم الأستثمار والخصخصة ومش بعيد نصحه بكره نلاقى الأهرامات كمان أتباعت ومعها أبو الهول هديه مجانية عليهم ونلاقى نفسنا بندفع ثمن حق الاقامه فى البلد لمستثمر أجنبى اشترى ملكية الأقامه فى مصر |
Publicité