ناوي تعمل ايه في رمضان

Publié le 15 septembre 2007 par Abassi Nejia

كل عام وانتم بخير

سؤال وياريت تجاوب عليه ناوي تعمل ايه السنه ديه في رمضان

وخصوصا انه قادم السنه ديه في اول الدراسه

يعني مش في الامتحانات وانت لسه شاب صغير والحمدلله تقدرتصلي وتصوم وتصلي كمان التراويح كامله

ياريت ماتحرم نفسك من هذا الثواب الكبير

رمضاااان .. بقلب جامد

كل سنه بتدخل رمضان بقلب جامد

وتقول هعمل واسوى ..

وكل سنه بتيجى بعد اول اسبوع وتبدء همتك تنزل
واحده... واحده ... واحده
وانت شايفها ومش قادر تعمل حاجه
وكل سنه تقول السنه دى غير كل سنه انا السنه دى هكسر الدنيا و.......
ايه رايك بقه ان انت السنه ديه هتكسر الدنيا بجد وهتعمل اللى مكنتش قادر تعمله كل سنه
كل سنه بتقول هاختم القرأن وتقف عند جزء معين منه وتنشغل وتتأخر بره وتخرج مع اصحابك
والمحصله انك مبتختمش القرأن الا على الحركرك واللى بيشد حيله اوى يدوب بيختمه مره واحده
السنه ديه بقه هنبص للموضوع من منظور مختلف و هنختم القرأن كله ان شاء الله
تعالوا مع بعض اوريكوا الموضوع بسيط جدا اد ايه
شوف يا سيدى
المصحف 600 صفحه ..صح (لو مش مصدقنى روح بص فى المصحف بسرعه وتعالى)
ها طلع كام ..اوك ... تعالى نكمل بقه
المصحف 600 صفحه على 30 يوم بكام يا ريس...
%$#@#%$#@%$ + *^%& - &*%&^% = %^$$%#&
يا عم متعقدهاش الحسبه ابسط من كده 600 / 30 = 20 صفحة
شفت سهله ازاى
طيب يعنى فى اليوم 20 صفحه واحنا عندنا 5 صلوات فى اليوم
يبقى 20 / 5 مظبوط ايوه كده
4 صفحات
يبقى انت لو قريت 4 صفحات بعد كل صلاه يبقى فى اليوم هتخلص 20 صفحه
يعنى فى الشهر هتخلص القرأن مستريح اوى
عايز نصيحتى خاليهم 30 فى اليوم علشان لو جيت انشغلت فى يوم من الايام يتعوض فى يوم تانى
استنى الايميل لسه مخلصش
احنا هنـ .... بقه ولا ايه .. انت نسيت اننا فى رمضان
والدال على الخير كفاعله
شوف بقه لو بعت الايميل ده لكل اصحابك وختموا القرأن بسببك هيتحسبلك اجر وثواب اد ايه
ياه ده انت تبقى ختمته كتيييييييييييييير أوى

ولو بتسمع اغاني ياريت بلاش تسمعها من تاني )

وخصوصا ان اكبر موقع للاغاني العربيه في الفتره ديه بقي عليه اناشيد اسلاميه وبس)مجرد ملحوظه

كل عام وانت بخير