عاوز تظبط اى بنت
يا جماعة الحكاية بسيطة قوي
مفيش حد عبيط
الحب كلمة مطاطة قوي
ومفيش حد عبر التاريخ كله يقدر يعرف الحب تعريف واضح
او حتي اتنين اتفقوا علي مفهوم للحب
والحبيبه يقولولك اصله مش رياضة وجمع وطرح
بالنسبة لمصر
والله حاجة تكسف
كله بيضحك علي كله
والبلد بتدهور
والحل عند الجميع انه يعرفله حد يطلعوا لفوق
يغني
يلعب كورة
يمثل وحد يكتشفه
والبلية تلعب
الغريب ان دا وصل للحب
وبقا الحب شماعة الجميع
وسبحان الله لسه الحب قادر يشيل
فلان ماسك فلانة كلام معسول وحب ورومانسية عشان هيا بنت صارخة الجمال او ( موووزة ) زي ماهو دارج
او انه يطلع من تحت ايد ابوها وامها بمصلحة
او يكون ابوها وامها من اصحاب الكعوب العالية فيبقي الجواز منها مسالة حتمية
وياريت البنت غلبانة
لا دا العن
البنت معروف عنها عند الصبيان انها غبية
لكن حمار اللي يفكر كدا
والله ان كيدهن لعظيم
وتفكيرهم مخيف
تبقي مخطوبة ومرتبطة وتعرف اكتر من واحد ولستت مواعيد
وكلهم بتقولوهم يا حبيبي
طب الشباب عارفين انهم لو عملوا كدا يبقوا خونه
لكن البنات بتبص للموضوع دا زي البنت فيبي اللي في مسلسل فريندز
استبن
علي اساس لو متجوزتش يبقي فلان يسد
او تروح ترمي اللي معاها وتاخد الجاهز
وبتعتبر دا من حقها علي اساس انها عاوزة الامان والعيشة اللي فيها مستقبل وناسية ان ابسط قواعد الوفاء انك تلتزم طالما اللي معاك ملتزم
تقولوش مخدتش بالها
علي اي حال ان ليا رأي
الحب اللي نهايته جواز علي سنة الله ورسوله هو بس اللي نعترف بيه
وطالما جواز يبقي تقدروا تقولوا مشروع شركة بين طرفين
كل طرف عليه التزامات
واظن الجميع عارف يعني ايه شركة
يعني الاساس بيتبني بالاتفاق
واللي اوله شرط اخره نور
و طالما في صراحة من الاول يبقي قطعنا علي المشاكل كل السبل
وعموما انا مش بقول جديد وكلنا عارفين كدا .. بس يمكن انا رصيت الخلاصة
غير كدا بقي يبقي ناس مياسة وكلامنجيه
واللي يحب يعيش بالكلام ميرجعش يقول أ