أعرف أنت مين ع النت

والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي بلوك

النوع الثالث
اللى قاعد على النت ليل نهار ده بقى شرحه يطول وينقسم لعدة انواع :

1- المقموص
ده بقى قاعد وحاطط ايده على زرار الزعل اي حاجة تقوليها تبقي بتقصديه او بتقللي من شانه وبعد كام مرة كلام ممكن يقولك اديني نمرة تليفونك ولما تعتذري هيقولك انا هحترم رغبتك وهيركبلك الوش الخشب ومن وقت للتاني هتاخدي البلوك فى وشك فنصيحه من اولها كده اديله بلوك وديليت

2- ابو دم خفيف
ده شلل مركز ومتعرفيش مين اللى خدعه وقاله ان دمه خفيف وكل كلامه قفشات وضحك والمفروض انك تكوني مجامله وتضحكي بس منصحكيش تيجي على اعصابك

3- المودي
دي بقة شخصية بتتنوع كل يوم على حسب المود وهتحسي انك بتكلمي واحد عنده انفصام فى الشخصية النهاردة رزين وعاقل وبكرة لاسع وبعد يومين رخم وبعدها كيوت وفريندلي
طبعا الحكايه مش ناقصة جنان كفايه الي الواحد فيه

4- اللزقه
والنوع ده عايز حزم فى التعامل معاه
لأن كل كلامه انتي فين ؟
بتتاخري في الرد ليه؟
انتي بتكلمي حد ؟؟
ياعم وانت مالك بتتحشر ليه ......ولو قلتيله ثواني هيقولك ليه رايحة فين؟ متتاخريش ...
ايه ده انتي لسه مجيتيش ؟؟؟

5- الناصح
يا صباح الصداع
مع كل جمله هتقوليها هتاخدي نصيحة وفي عرض خاص قولي جملتين وخدي اربع نصايح هديه
العرض مستمر حتى نفاد الكمية

انا انصحك انك تخليه يحصل اخواته اللى فاتوا يعني بلوك وديليت

6- الحبّيب
انا فيا جاذبية وكل البنات بتعجب بيا ....... ايام ما كنت فى الكليه كنت عامل ازمه والبنات بتتخانق عليا...... المصيبة بقى ان اي جمله هتقوليها هيفهم ان انتي معجبه اصله مش بمزاجك هتحبيه يعني هتحبيه

7- حريقة بنات
ده بقى لو في منتدى او ميل جروب هتلاقيه مركز على كل البنات
ومبيعملش اي حاجة تانية غير كده الكوميدي بقى لما يتلخبط ويعتقد ان الأسم ده انثوى ويندمج وبعدين يطلع واحد صاحبه بيشتغله

ههههههههههههههههههههههههه

8- الكداب
من اول الأسم والسن واي معلومة خدتيها كدب في كدب ومتعرفيش ليه
ده بقى انصحيه وخليه يغير اسمه على الماسنجر ويخليه الكداب

9- العبيط
ده هتلاقيه على طول حاطط صورته وذنب عليكي تتفرجي ويشيل الصورة دى يحط غيرها وكل شوية يفتح الكاميرا مع نفسه

10- بابا اوبح
ده ممكن يكون على النت من سنة 96 واتخرج واشتغل واتجوز وجاب عيال ولسه قاعد يتعرف على بنات وكل ما يكلم واحدة يقنعها انه مش متجوز وبيدور على عروسة وصباح السرحان
ولو جربتي كل يوم تدخليله بايميل غير التاني هتسمعي قصة حياته كل يوم مختلفة

النوع الاخير

هو المحترم اللى عارف حدوده ومبيتدخلش فى اللى مالهوش فيه

وبيبقى دمه خفيف علشان ماتزهقيش منه وبيحب يعمل اصدقاء كتير على النت وتلاقيه جد ومابيحبش الكدب بس بيحب يهزر بس بأدب وتستريحيلو وانتى بتتكلمى معاه

كده خلصوا وماحدش يسألنى أنتى من انهى نوع فيهم علشان انا بصراحه مش عارفه