الامه العربيه تنتظر الفارس الذي ي
السلام عليكم ورحمه الله وبركاته
اخواني واخوتي في الله اعضاء المنتدي الكرام
الموضوع اللي بين ايديكم ده كانت فكرته في مخي منذ فتره ليست ببعيده
فكره الموضوع ايه؟؟؟؟؟؟
اقولكم انا
الامه العربيه حاليا بتعيش فتره مهمه جدا في تاريخها وفي ايدنا فرصه لا تعوض
الفتره دي ممكن بسببها تنهض الامه وتكون اعظم الامم وترجع تقود الامم من جديد
وده هو الاصل فينا ان احنا خير امه اخرجت للناس
وده عن طريق استغلال الفرص
وممكن ايضا عدم استغلال هذه الفرص وهذه الفتره
ان احنا نضيع في وسط الامم وننتظر فرصه اخري من الله
وطبعا دلوقتي نحب نعرف ايه هي الفتره دي واشمعني الفتره دي بالذات
وايه هي الفرص دي وكيفيه استغلالها
اولا ايه هي الفتره دي؟؟؟؟؟؟؟
دلوقتي احنا بنعيش في زمن سقوط القوي العظمي الاولي في العالم الا وهي امريكا
وزي ماحنا كلنا عارفين ان امريكا حاليا في مرحله السقوط
دي نقطه
حد يقولي طب وهو مافيش في العالم غير امريكا مافي دول اروبا واليابان
النقطه اللي غايبه عن كتير منا
ان دول اروبا واليابان دول عجوووووووزه جدا
متوسط اعمار سكانها يتعدي 30 وفي بعض الدول يتعدي 35
والمفاجأه ان عدد سكان هذه الدول بتقل مع مرور الزمن مش بتزيد
يعني بينقرضوا وزعماء هذه الدول في حاله رعب من هذا النقصان في عدد السكان
حد يقولي انت ناسي الصين وروسيا
الصين للعلم يعني عشان تكون قوه عظمي محتاجه بترول العالم كله بشكل مستمر
عشان تقدر تمشي علي نفس الوتيره من النمو
وده طبعا مستحيل لأن البترول مقسم علي كل دول العالم وليس للصين وحدها
يتبقي روسيا
احب اقول ان روسيا لولا الترسانه النوويه لسارت دوله ناميه كأي دول ناميه اخري
يالها من مفاجأه
يعني في خلال فتره ليست بكبيره سيصبح العالم خالي من اي قوه عظمي
دي حقيقه مسببه حاله من الرعب لخبراء السياسه في هذه الدول
وبسبب هذه الفتره التي نعيشها الامه العربيه تبرز بعض الفرص
علي رأسها
- ان متوسط اعمار سكان الامه العربيه من 19 الي 23 سنه
وهذا المتوسط نحسد عليه من جميع الامم
- المواد الخام: موقع الامه العربيه يعتبر الموقع الاغني في العالم بالثروات الطبيعيه والمواد الخام
- عنصر العمل الذي يستخدم هذه المواد الخام : نجد ان الجاليات العربيه علي مستوي العالم هي الجاليات
الانشط الاغني و الاذكي ذي السلطه الاكبر ولا ينافسها في هذه المزايا غير الجاليات اليهوديه انت متخيل
اليهود !!!!!!!!!
وطبعا في فرص كتيرررر غنيه عن التعريف
طب انا قلت الكلام ده كله ليه ؟؟؟؟؟؟؟؟؟
انا هقولكم برضو
الفتره دي والفرص دي بتفكرني بحال الجزيره العربيه زمااااااان قبل الرسول صلي الله عليه وسلم
حيث كانت هناك قوتين كانتا الفرس والروم
وكانتا في مرحله السقوط
وكأن العالم قديما كان ينتظر الفارس الجديد الذي يقوده
فظهر الرسول صلي الله عليه وسلم وظهر الاسلام وكان هذا الفارس هو الامه الاسلاميه والعربيه
فلو تلاحظوا معايا في تشابهه كبير بين الفترتيين
و لا ننسي ( ولكم في رسول الله أسوه حسنه )
فالغرض من كتابه هذا الموضوع هل احنا بجد بناخد الرسول صلي الله عليه وسلم قدوه لينا؟؟؟؟
طب وليه منحاولش كلنا نكون بذره تقدم هذه الامه
الامه منتظره الفارس
ولو مظهرش هتضيع علينا فرصه العالم كله بيحسدنا عليها
فانا من هذا المنتدي اللي بيضم شباب من خيره شباب الامه بدعوكم كلكم ان كل واحد فيكم يكون فارس
في بلده في جامعته في مدرسته في شغله في بيته
ونحاول ان نعيد للامه مجدها
واحنا قدها وفارس مع فارس وهمه مع همه وهدف واحد تنهض الامه
طب ازاي نكون فرسان ؟؟؟؟؟؟؟؟
حاليا الفارس ليس من يمتطي جواده
بل من يملك علماً ومعرفه ينتفع به وينفع به الاخرين فيصبح فارسا من فرسان الامه
او من يملك موهبه فينبغ فيها ويكون بسبب هذه الموهبه فارس من فرسان الامه
او او او او ..........
في حاجات كتير ممكن نعلمها لبعض او ممكن نتعلمها من بعض وبعد كده نعلمها لاصحبنا
واهلنا واخواتنا
والحاجات دي ممكن تكون سبب في نهضه الامه
ولو الفكره عجبتكوا انا بقترح موضوع مهم جداً
وهو السبب الرئيسي لنهضه اي امه في عصرنا الحالي
الا وهو القراءه
وفي موضايع تانيه كتيرررر لازم ننتاقش فيها يمكن تفيد بيها حد
او ممكن انت تستفيد من حد
وفي الختام
انا طولت عليكوا بس الموضوع غايه في الاهمبه
ومنتظر ارائكم وتعليقاتكم ومشاركتم يافرسان الامه يافرسان التحدي
منقول